Proxectos da materia de Tecnoloxía de 2º da ESO.

Amosamos nas seguintes imaxes os proxectos feitos en pequeno grupo polos alumnos de 2º da E.S.O. na aula taller, durante o segundo trimestre.

Quero agradecerlles o interese amosado na adquisición de materiais, a boa colaboración prestada dentro dos grupos de traballo e felicitalos polo bo cumprimento das condicións inicialmente fixadas para o funcionamento da máquina construída.

Tratábase de facer un encadeamento entre dúas ramplas de cartón polas que debían caer dúas boliñas. Os rapaces só podían actuar sobre o dispositivo fabricado deixando caer a primeira boliña por unha rampla. A segunda bola estaba retida noutra rampla e debía liberarse mediante algún efecto.

Álbum

Visita a Acualia.

O martes 17 de xaneiro o alumnado de 2º da E.S.O. visitamos as instalacións de Acualia na súa planta
potabilizadora de auga, na rúa Cantabria.
A visita foi organizada dende a materia de Física e Química con motivo de visualizar os procesos de decantación, filtración e tratamento da auga con cloro para limitar o desenvolvemento de microorganismos. Informáronnos tamén da excelente calidade da auga de Vigo, recollida da presa de Eiras e na que, a pesar da seca que estamos a pasar, atopábase ao 80 % da súa capacidade.

acualia1

Álbum

Félix