Visitamos ás alumnas Erasmus+ nos centros de prácticas de Portugal

Os días 19 e 20 de abril Lorena, Marta e Diego (profesores en 2º de Integración Soical) visitaron Portugal. O obxectivo da viaxe era coñecer “in situ” o desenvolvemento das prácticas de dúas alumnas que grazas ao programa Erasmus+ están a facer a FCT en Porto e Lisboa.

A primeira parada foi en Porto, en concreto na freguesía de Rio Tinto para coñecer o traballo do proxecto “A escolha é Tua” (www.programaescolhas.pt). Alí fomos recibidos por Miguel Pereira, responsable do programa e titor de prácticas dunha alumna. “A ecolha é Tua” traballa con crianzas e adolescentes dende o comunitario. Unha iniciativa moi activa e dinámica que realiza dende o tempo de lecer moitas actividades.

A nosa seguinte parada foi Lisboa. Alí temos outra alumna de Integración facendo prácticas da man do Erasmus+ en CASA – Centro de apoio ao Sem Abrigo (casa-apoioaosemabrigo.org). André Correia o titor de prácticas, presentou o traballo desta entidade. Amosounos as instalacións desta entidade que atende ás persoas sen fogar nas rúas da capital. Cada noite reparten case 500 racións quentes de comida ás persoas en situación de rúa e ao mediodía nun espazo ofrecen tamén 90 racións de comida.

Agradecemos á acollida de ambos centros e agardamos seguir o contacto en cursos vindeiros.

Erasmus+ 2018 dos ciclos superiores

O alumnado dos ciclos superiores hai varias semanas que iniciou a FCT. Este curso, seguindo a boa costume de anos anteriores, seis alumnas e alumnos están a realizar as súas prácticas fóra de España grazas ao programa Erasmus+.

O reparto de alumnado é o seguinte:

  • Un alumno de Integración Social en Londres.
  • Unha alumna de Integración Social en Porto.
  • Unha alumna de Integración Social en Lisboa.
  • Unha alumna de Educación Infantil en Porto.
  • Tres alumnas de Educación Infantil en Varsovia.

Dende o centro agradecemos aos centros pola acollida do noso alumnado.

WhatsApp Image 2018-04-11 at 10.50.50.jpeg

Vídeo: Integración Social, un clamor

Video realizado polo alumnado de 2º curso do Ciclo Formativo de Grao Superior de “Integración Social” do colexio San José de la Guía (Vigo).

Xunto as imaxes do alumnado do 2º curso de Integración Social aparecen fotografías de Aarón Diez pertencentes á exposición “O Vigo que [NON] sorrí”.